Лаврентьевская летопись

[В лето 6683 (1175)] «Богу молися помиловати князя нашего и господина Всеволода… да подастъ ему победу на противныя и многа лета съ княгинею и с благородными детми».

Публикация: ПСРЛ. Т. I. Лаврентьевская летопись. М., 1997. Стб. 371.

[Того же лета (6694/1186)] «Всеволодъ же Гюргевичь посла к нимъ в помочь Ярослава Володимеровича свояка своего».

Публикация: Там же. Стб. 402.

[В лето 6695 (1187)] «Иде великыи князь Всеволод Юргевичь внукъ Володимерь на Рязань съ Ярославом Володимеричем с своякомъ своимъ».

Публикация: Там же. Стб. 406.

[В лето 6706 (1197)] «Тои же зимы месяца генваря выгнаша Новгородци Ярослава свояка княжа из Новагорода … князь же велики посади свояка своего на Новом Торъжьку».

Публикация: Там же. Стб. 414.

[В лето 6709 (1201)] «Месяца декабря въ 14 день на память святое мученицы Евгеньи наоутрия преставися княгыни Ярославляя свесть великого князя Всеволода и положена бысть в церкви святое Богородици в манастыре сестрине».

Публикация: Там же. Стб. 416–417.

[В лето 6713 (1205)] «Того же [лета] месяца въ 30 на память святого апостола Тимона. Преставися великаго князя Всеволода дщи именемь Елена и положена бысть в церкви святыя Богородица в манастыри юже бе создала великая княгини и блаженная Всеволожа».

Публикация: Там же. Стб. 421.

[В лето 6714 (1206)] «Того ж месяца (марта. – Публ.) въ 2 день пострижеся великая княгини Всеволожая во мнишескии чинъ в монастыри святые Богородици юже бе самъ создал и нарекоша еи имя Мария в тоже имя крещена бысть преж и проводи ю великии князь Всеволодъ сам со слезами многими до монастыря святыя Богородица и сынъ его Георгии и дщери его Всеслава Ростиславляя иже бе приехала ко отцю и матери своеи и не мочи видети туги и бысть епископъ Иоанн и Симонъ игуменъ отець его духовныи и инии игумени и черници вси и бояре вси и боярыни и черници изо всех монастыревъ и горожане вси проводиша ю со слезами многими до монастыря зане бяше до всехъ презлиха добра благоверная княгини Всеволожая изъдетска въ страсе Божьем любяше правду въздающу честь єпископомъ и игуменом и черньцем и през[в]итером и любяше черноризци и подаваше требование имъ бяше бо и нищолюбица и страннолюбица печалныа и ноужныя и болныя тех всех утешаше и подаваше им требование.

Того ж месяца въ 19 день святого отца Фомы патриарха Костянтиня града. Преставися благоверная великая княгыни Всеволожая именемъ Мария бывши въ мнишьскомь чину 18 днии и положена бысть в манастыри своемь в церкви святыя Богородица юже созда… и погребоша ю с рыданьем и плачемъ великимъ ту сущю над нею князю великому и з детми своими и епископъ и игумени и черньци и черници и множество народа и епископу Смоленьскому и игумену Михаилу Отрочьего манастыря в то время пришедшема има к великому князю Всеволоду молится о мире от Мстислава свата его си же блаженая княгини лежа в немощи 7 лет новыи Иовъ явльшися верою и терпенье…»

Публикация: Там же. Стб. 424–425.

Те же сведения о пострижении и смерти Марии читаются в «Летописце Переяславля-Суздальского», в котором лишь исправлены описки Лаврентьевской летописи, а также уточняется, что княгиня провела в болезни не 7, а 8 лет, тело ее было положено в каменный гроб, а церковь, где она была похоронена, к тому моменту была расписана фресками и украшена иконами.